dn9:45.1 Pare ce, poṭṭhapāda, amhe evaṁ puccheyyuṁ:
BAGIAN 45
dn9:45.2 ‘katamo pana so, āvuso, arūpo attapaṭilābho, yassa tumhe pahānāya dhammaṁ desetha, yathāpaṭipannānaṁ vo saṅkilesikā dhammā pahīyissanti, vodāniyā dhammā abhivaḍḍhissanti, paññāpāripūriṁ vepullattañca diṭṭheva dhamme sayaṁ abhiññā sacchikatvā upasampajja viharissathā’ti?
dn9:45.3 Tesaṁ mayaṁ evaṁ puṭṭhā evaṁ byākareyyāma:
dn9:45.4 ‘ayaṁ vā so, āvuso, arūpo attapaṭilābho yassa mayaṁ pahānāya dhammaṁ desema, yathāpaṭipannānaṁ vo saṅkilesikā dhammā pahīyissanti, vodāniyā dhammā abhivaḍḍhissanti, paññāpāripūriṁ vepullattañca diṭṭheva dhamme sayaṁ abhiññā sacchikatvā upasampajja viharissathā’ti.
dn9:45.5 Taṁ kiṁ maññasi, poṭṭhapāda,
dn9:45.6 nanu evaṁ sante sappāṭihīrakataṁ bhāsitaṁ sampajjatī”ti?
dn9:45.7 “Addhā kho, bhante, evaṁ sante sappāṭihīrakataṁ bhāsitaṁ sampajjatī”ti.