dn25:10.1 Puna caparaṁ, nigrodha, tapassī tapaṁ samādiyati, so tena tapasā lābhasakkārasilokaṁ abhinibbatteti, so tena lābhasakkārasilokena attamano hoti paripuṇṇasaṅkappo.
BAGIAN 10
dn25:10.2 Yampi, nigrodha, tapassī tapaṁ samādiyati, so tena tapasā lābhasakkārasilokaṁ abhinibbatteti, so tena lābhasakkārasilokena attamano hoti paripuṇṇasaṅkappo.
dn25:10.3 Ayampi kho, nigrodha, tapassino upakkileso hoti.
dn25:10.4 Puna caparaṁ, nigrodha, tapassī tapaṁ samādiyati, so tena tapasā lābhasakkārasilokaṁ abhinibbatteti, so tena lābhasakkārasilokena attānukkaṁseti paraṁ vambheti.
dn25:10.5 Yampi, nigrodha, tapassī tapaṁ samādiyati, so tena tapasā lābhasakkārasilokaṁ abhinibbatteti, so tena lābhasakkārasilokena attānukkaṁseti paraṁ vambheti.
dn25:10.6 Ayampi kho, nigrodha, tapassino upakkileso hoti.
dn25:10.7 Puna caparaṁ, nigrodha, tapassī tapaṁ samādiyati, so tena tapasā lābhasakkārasilokaṁ abhinibbatteti, so tena lābhasakkārasilokena majjati mucchati pamādamāpajjati.
dn25:10.8 Yampi, nigrodha, tapassī tapaṁ samādiyati, so tena tapasā lābhasakkārasilokaṁ abhinibbatteti, so tena lābhasakkārasilokena majjati mucchati pamādamāpajjati.
dn25:10.9 Ayampi kho, nigrodha, tapassino upakkileso hoti.
dn25:10.10 Puna caparaṁ, nigrodha, tapassī bhojanesu vodāsaṁ āpajjati:
dn25:10.11 ‘idaṁ me khamati, idaṁ me nakkhamatī’ti.
dn25:10.12 So yañca khvassa nakkhamati, taṁ sāpekkho pajahati.
dn25:10.13 Yaṁ panassa khamati, taṁ gadhito mucchito ajjhāpanno anādīnavadassāvī anissaraṇapañño paribhuñjati …pe…
dn25:10.14 ayampi kho, nigrodha, tapassino upakkileso hoti.
dn25:10.15 Puna caparaṁ, nigrodha, tapassī tapaṁ samādiyati lābhasakkārasilokanikantihetu:
dn25:10.16 ‘sakkarissanti maṁ rājāno rājamahāmattā khattiyā brāhmaṇā gahapatikā titthiyā’ti …pe…
dn25:10.17 ayampi kho, nigrodha, tapassino upakkileso hoti.