Mahāsamayasutta

dn20:7.1 Sattasahassā te yakkhā,

dn20:7.2 bhummā kāpilavatthavā;

dn20:7.3 Iddhimanto jutimanto,

dn20:7.4 vaṇṇavanto yasassino;

dn20:7.5 Modamānā abhikkāmuṁ,

dn20:7.6 bhikkhūnaṁ samitiṁ vanaṁ.

dn20:7.7 Chasahassā hemavatā,

dn20:7.8 yakkhā nānattavaṇṇino;

dn20:7.9 Iddhimanto jutimanto,

dn20:7.10 vaṇṇavanto yasassino;

dn20:7.11 Modamānā abhikkāmuṁ,

dn20:7.12 bhikkhūnaṁ samitiṁ vanaṁ.

dn20:7.13 Sātāgirā tisahassā,

dn20:7.14 yakkhā nānattavaṇṇino;

dn20:7.15 Iddhimanto jutimanto,

dn20:7.16 vaṇṇavanto yasassino;

dn20:7.17 Modamānā abhikkāmuṁ,

dn20:7.18 bhikkhūnaṁ samitiṁ vanaṁ.

dn20:7.19 Iccete soḷasasahassā,

dn20:7.20 yakkhā nānattavaṇṇino;

dn20:7.21 Iddhimanto jutimanto,

dn20:7.22 vaṇṇavanto yasassino;

dn20:7.23 Modamānā abhikkāmuṁ,

dn20:7.24 bhikkhūnaṁ samitiṁ vanaṁ.