AN 5.161 · Sutta Cara Melenyapkan Kemarahan (1)

Kenali dunia dalam sutta ini

Sutta ini menawarkan panduan praktis yang langsung dapat diterapkan ketika kita merasa marah terhadap seseorang. Mari kita simak lima cara yang diajarkan Buddha untuk melenyapkan kemarahan tersebut.

TOKOH & TEMPAT

Sinopsis singkat

Sutta ini membahas lima cara untuk melenyapkan kemarahan yang muncul pada seorang bhikkhu terhadap siapa pun. Cara-cara tersebut adalah mengembangkan cinta kasih, belas kasih, keseimbangan batin, mengabaikan orang tersebut, dan merenungkan bahwa setiap orang adalah pemilik perbuatannya sendiri.

Pengantar Tiga Keranjang · bukan bagian dari teks kanonik.

BAGIAN 1

an5.161:1.1 “Pañcime, bhikkhave, āghātapaṭivinayā yattha bhikkhuno uppanno āghāto sabbaso paṭivinetabbo.

an5.161:1.2 Katame pañca?

an5.161:1.3 Yasmiṁ, bhikkhave, puggale āghāto jāyetha, mettā tasmiṁ puggale bhāvetabbā;

an5.161:1.4 evaṁ tasmiṁ puggale āghāto paṭivinetabbo.

an5.161:1.5 Yasmiṁ, bhikkhave, puggale āghāto jāyetha, karuṇā tasmiṁ puggale bhāvetabbā;

an5.161:1.6 evaṁ tasmiṁ puggale āghāto paṭivinetabbo.

an5.161:1.7 Yasmiṁ, bhikkhave, puggale āghāto jāyetha, upekkhā tasmiṁ puggale bhāvetabbā;

an5.161:1.8 evaṁ tasmiṁ puggale āghāto paṭivinetabbo.

an5.161:1.9 Yasmiṁ, bhikkhave, puggale āghāto jāyetha, asatiamanasikāro tasmiṁ puggale āpajjitabbo;

an5.161:1.10 evaṁ tasmiṁ puggale āghāto paṭivinetabbo.

an5.161:1.11 Yasmiṁ, bhikkhave, puggale āghāto jāyetha, kammassakatā tasmiṁ puggale adhiṭṭhātabbā:

an5.161:1.12 ‘kammassako ayamāyasmā kammadāyādo kammayoni kammabandhu kammapaṭisaraṇo,

an5.161:1.13 yaṁ kammaṁ karissati kalyāṇaṁ vā pāpakaṁ vā tassa dāyādo bhavissatī’ti;

an5.161:1.14 evaṁ tasmiṁ puggale āghāto paṭivinetabbo.

an5.161:1.15 Ime kho, bhikkhave, pañca āghātapaṭivinayā, yattha bhikkhuno uppanno āghāto sabbaso paṭivinetabbo”ti.

an5.161:1.16 Paṭhamaṁ.