an10.98:1.1 “Dasahi, bhikkhave, dhammehi samannāgato thero bhikkhu yassaṁ yassaṁ disāyaṁ viharati, phāsuyeva viharati.
BAGIAN 1
an10.98:1.2 Katamehi dasahi?
an10.98:1.3 Thero hoti rattaññū cirapabbajito,
an10.98:1.4 sīlavā hoti …pe…
an10.98:1.5 samādāya sikkhati sikkhāpadesu, bahussuto hoti …pe…
an10.98:1.6 diṭṭhiyā suppaṭividdho, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso,
an10.98:1.7 adhikaraṇasamuppādavūpasamakusalo hoti,
an10.98:1.8 dhammakāmo hoti piyasamudāhāro abhidhamme abhivinaye uḷārapāmojjo,
an10.98:1.9 santuṭṭho hoti itarītaracīvarapiṇḍapātasenāsanagilānappaccayabhesajjaparikkhārena,
an10.98:1.10 pāsādiko hoti abhikkantapaṭikkante susaṁvuto antaraghare nisajjāya,
an10.98:1.11 catunnaṁ jhānānaṁ ābhicetasikānaṁ diṭṭhadhammasukhavihārānaṁ nikāmalābhī hoti akicchalābhī akasiralābhī,
an10.98:1.12 āsavānañca khayā anāsavaṁ cetovimuttiṁ paññāvimuttiṁ diṭṭheva dhamme sayaṁ abhiññā sacchikatvā upasampajja viharati.
an10.98:1.13 Imehi kho, bhikkhave, dasahi dhammehi samannāgato thero bhikkhu yassaṁ yassaṁ disāyaṁ viharati, phāsuyeva viharatī”ti.
an10.98:1.14 Aṭṭhamaṁ.