sn7.2:2.1 “bhāradvājagotto kira brāhmaṇo samaṇassa gotamassa santike agārasmā anagāriyaṁ pabbajito”ti kupito anattamano yena bhagavā tenupasaṅkami; upasaṅkamitvā bhagavantaṁ asabbhāhi pharusāhi vācāhi akkosati paribhāsati. Evaṁ vutte, bhagavā akkosakabhāradvājaṁ brāhmaṇaṁ etadavoca:
BAGIAN 2
sn7.2:2.2 “Taṁ kiṁ maññasi, brāhmaṇa,
sn7.2:2.3 api nu kho te āgacchanti mittāmaccā ñātisālohitā atithiyo”ti?
sn7.2:2.4 “Appekadā me, bho gotama, āgacchanti mittāmaccā ñātisālohitā atithiyo”ti.
sn7.2:2.5 “Taṁ kiṁ maññasi, brāhmaṇa, api nu tesaṁ anuppadesi khādanīyaṁ vā bhojanīyaṁ vā sāyanīyaṁ vā”ti?
sn7.2:2.6 “Appekadā nesāhaṁ, bho gotama, anuppademi khādanīyaṁ vā bhojanīyaṁ vā sāyanīyaṁ vā”ti.
sn7.2:2.7 “Sace kho pana te, brāhmaṇa, nappaṭiggaṇhanti, kassa taṁ hotī”ti?
sn7.2:2.8 “Sace te, bho gotama, nappaṭiggaṇhanti, amhākameva taṁ hotī”ti.
sn7.2:2.9 “Evameva kho, brāhmaṇa, yaṁ tvaṁ amhe anakkosante akkosasi, arosente rosesi, abhaṇḍante bhaṇḍasi, taṁ te mayaṁ nappaṭiggaṇhāma.
sn7.2:2.10 Tavevetaṁ, brāhmaṇa, hoti;
sn7.2:2.11 tavevetaṁ, brāhmaṇa, hoti.