Brāhmaṇasutta

sn55.12:1.1 Sāvatthinidānaṁ.

sn55.12:1.2 “Brāhmaṇā, bhikkhave, udayagāminiṁ nāma paṭipadaṁ paññapenti.

sn55.12:1.3 Te sāvakaṁ evaṁ samādapenti:

sn55.12:1.4 ‘ehi tvaṁ, ambho purisa, kālasseva uṭṭhāya pācīnamukho yāhi.

sn55.12:1.5 So tvaṁ mā sobbhaṁ parivajjehi, mā papātaṁ, mā khāṇuṁ, mā kaṇḍakaṭhānaṁ, mā candaniyaṁ, mā oḷigallaṁ.

sn55.12:1.6 Yattha papateyyāsi tattheva maraṇaṁ āgameyyāsi.

sn55.12:1.7 Evaṁ tvaṁ, ambho purisa, kāyassa bhedā paraṁ maraṇā sugatiṁ saggaṁ lokaṁ upapajjissasī’ti.