sn54.5:2.1 Evaṁ bhāvitāya kho, bhikkhave, ānāpānassatiyā evaṁ bahulīkatāya satta phalā sattānisaṁsā pāṭikaṅkhā.
BAGIAN 2
sn54.5:2.2 Katame satta phalā sattānisaṁsā?
sn54.5:2.3 Diṭṭheva dhamme paṭikacca aññaṁ ārādheti;
sn54.5:2.4 no ce diṭṭheva dhamme paṭikacca aññaṁ ārādheti.
sn54.5:2.5 Atha maraṇakāle aññaṁ ārādheti;
sn54.5:2.6 no ce diṭṭheva dhamme paṭikacca aññaṁ ārādheti, no ce maraṇakāle aññaṁ ārādheti.
sn54.5:2.7 Atha pañcannaṁ orambhāgiyānaṁ saṁyojanānaṁ parikkhayā antarāparinibbāyī hoti …
sn54.5:2.8 upahaccaparinibbāyī hoti …
sn54.5:2.9 asaṅkhāraparinibbāyī hoti …
sn54.5:2.10 sasaṅkhāraparinibbāyī hoti …
sn54.5:2.11 uddhaṁsoto hoti akaniṭṭhagāmī—
sn54.5:2.12 evaṁ bhāvitāya kho, bhikkhave, ānāpānassatiyā evaṁ bahulīkatāya ime satta phalā sattānisaṁsā pāṭikaṅkhā”ti.
sn54.5:2.13 Pañcamaṁ.