sn51.20:2.1 Kathaṁ bhāvitā ca, bhikkhave, cattāro iddhipādā kathaṁ bahulīkatā mahapphalā honti mahānisaṁsā?
BAGIAN 2
sn51.20:2.2 Idha, bhikkhave, bhikkhu chandasamādhippadhānasaṅkhārasamannāgataṁ iddhipādaṁ bhāveti—
sn51.20:2.3 iti me chando na ca atilīno bhavissati, na ca atippaggahito bhavissati, na ca ajjhattaṁ saṅkhitto bhavissati, na ca bahiddhā vikkhitto bhavissati.
sn51.20:2.4 Pacchāpuresaññī ca viharati—
sn51.20:2.5 yathā pure tathā pacchā, yathā pacchā tathā pure;
sn51.20:2.6 yathā adho tathā uddhaṁ, yathā uddhaṁ tathā adho;
sn51.20:2.7 yathā divā tathā rattiṁ yathā rattiṁ tathā divā.
sn51.20:2.8 Iti vivaṭena cetasā apariyonaddhena sappabhāsaṁ cittaṁ bhāveti.
sn51.20:2.9 Vīriyasamādhi …pe…
sn51.20:2.10 cittasamādhi …
sn51.20:2.11 vīmaṁsāsamādhippadhānasaṅkhārasamannāgataṁ iddhipādaṁ bhāveti—
sn51.20:2.12 iti me vīmaṁsā na ca atilīnā bhavissati, na ca atippaggahitā bhavissati, na ca ajjhattaṁ saṅkhittā bhavissati, na ca bahiddhā vikkhittā bhavissati.
sn51.20:2.13 Pacchāpuresaññī ca viharati—
sn51.20:2.14 yathā pure tathā pacchā, yathā pacchā tathā pure;
sn51.20:2.15 yathā adho tathā uddhaṁ, yathā uddhaṁ tathā adho;
sn51.20:2.16 yathā divā tathā rattiṁ, yathā rattiṁ tathā divā.
sn51.20:2.17 Iti vivaṭena cetasā apariyonaddhena sappabhāsaṁ cittaṁ bhāveti.