Pubbasutta

sn51.11:4.1 Vīmaṁsāsamādhippadhānasaṅkhārasamannāgataṁ iddhipādaṁ bhāveti—

sn51.11:4.2 iti me vīmaṁsā na ca atilīnā bhavissati, na ca atippaggahitā bhavissati, na ca ajjhattaṁ saṅkhittā bhavissati, na ca bahiddhā vikkhittā bhavissati.

sn51.11:4.3 Pacchāpuresaññī ca viharati—

sn51.11:4.4 yathā pure tathā pacchā, yathā pacchā tathā pure;

sn51.11:4.5 yathā adho tathā uddhaṁ, yathā uddhaṁ tathā adho;

sn51.11:4.6 yathā divā tathā rattiṁ, yathā rattiṁ tathā divā.

sn51.11:4.7 Iti vivaṭena cetasā apariyonaddhena sappabhāsaṁ cittaṁ bhāveti.