sn48.57:1.1 Ekaṁ samayaṁ bhagavā uruvelāyaṁ viharati najjā nerañjarāya tīre ajapālanigrodhe paṭhamābhisambuddho.
BAGIAN 1
sn48.57:1.2 Atha kho bhagavato rahogatassa paṭisallīnassa evaṁ cetaso parivitakko udapādi:
sn48.57:1.3 “pañcindriyāni bhāvitāni bahulīkatāni amatogadhāni honti amataparāyaṇāni amatapariyosānāni.
sn48.57:1.4 Katamāni pañca?
sn48.57:1.5 Saddhindriyaṁ bhāvitaṁ bahulīkataṁ amatogadhaṁ hoti amataparāyaṇaṁ amatapariyosānaṁ.
sn48.57:1.6 Vīriyindriyaṁ …pe…
sn48.57:1.7 satindriyaṁ …pe…
sn48.57:1.8 samādhindriyaṁ …pe…
sn48.57:1.9 paññindriyaṁ bhāvitaṁ bahulīkataṁ amatogadhaṁ hoti amataparāyaṇaṁ amatapariyosānaṁ.
sn48.57:1.10 Imāni pañcindriyāni bhāvitāni bahulīkatāni amatogadhāni honti amataparāyaṇāni amatapariyosānānī”ti.