Samudayasutta

sn47.42:1.1 “Catunnaṁ, bhikkhave, satipaṭṭhānānaṁ samudayañca atthaṅgamañca desessāmi.

sn47.42:1.2 Taṁ suṇātha.

sn47.42:1.3 Ko ca, bhikkhave, kāyassa samudayo?

sn47.42:1.4 Āhārasamudayā kāyassa samudayo;

sn47.42:1.5 āhāranirodhā kāyassa atthaṅgamo.

sn47.42:1.6 Phassasamudayā vedanānaṁ samudayo;

sn47.42:1.7 phassanirodhā vedanānaṁ atthaṅgamo.

sn47.42:1.8 Nāmarūpasamudayā cittassa samudayo;

sn47.42:1.9 nāmarūpanirodhā cittassa atthaṅgamo.

sn47.42:1.10 Manasikārasamudayā dhammānaṁ samudayo;

sn47.42:1.11 manasikāranirodhā dhammānaṁ atthaṅgamo”ti.

sn47.42:1.12 Dutiyaṁ.