sn47.40:2.1 Katamā ca, bhikkhave, satipaṭṭhānabhāvanā?
BAGIAN 2
sn47.40:2.2 Idha, bhikkhave, bhikkhu samudayadhammānupassī kāyasmiṁ viharati, vayadhammānupassī kāyasmiṁ viharati, samudayavayadhammānupassī kāyasmiṁ viharati, ātāpī sampajāno satimā, vineyya loke abhijjhādomanassaṁ.
sn47.40:2.3 Samudayadhammānupassī vedanāsu viharati …pe…
sn47.40:2.4 samudayadhammānupassī citte viharati …pe…
sn47.40:2.5 samudayadhammānupassī dhammesu viharati, vayadhammānupassī dhammesu viharati, samudayavayadhammānupassī dhammesu viharati, ātāpī sampajāno satimā, vineyya loke abhijjhādomanassaṁ.
sn47.40:2.6 Ayaṁ vuccati, bhikkhave, satipaṭṭhānabhāvanā.