sn46.54:5.1 Atha kho te bhikkhū tesaṁ aññatitthiyānaṁ paribbājakānaṁ bhāsitaṁ neva abhinandiṁsu nappaṭikkosiṁsu.
BAGIAN 5
sn46.54:5.2 Anabhinanditvā appaṭikkositvā uṭṭhāyāsanā pakkamiṁsu:
sn46.54:5.3 “bhagavato santike etassa bhāsitassa atthaṁ ājānissāmā”ti.
sn46.54:5.4 Atha kho te bhikkhū haliddavasane piṇḍāya caritvā pacchābhattaṁ piṇḍapātapaṭikkantā yena bhagavā tenupasaṅkamiṁsu; upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho te bhikkhū bhagavantaṁ etadavocuṁ: