sn46.18:1.1 “Yesaṁ kesañci, bhikkhave, satta bojjhaṅgā viraddhā, viraddho tesaṁ ariyo maggo sammā dukkhakkhayagāmī.
BAGIAN 1
sn46.18:1.2 Yesaṁ kesañci, bhikkhave, satta bojjhaṅgā āraddhā, āraddho tesaṁ ariyo maggo sammā dukkhakkhayagāmī.
sn46.18:1.3 Katame satta?
sn46.18:1.4 Satisambojjhaṅgo …pe… upekkhāsambojjhaṅgo—
sn46.18:1.5 yesaṁ kesañci, bhikkhave, ime satta bojjhaṅgā viraddhā, viraddho tesaṁ ariyo maggo sammā dukkhakkhayagāmī.
sn46.18:1.6 Yesaṁ kesañci, bhikkhave, ime satta bojjhaṅgā āraddhā, āraddho tesaṁ ariyo maggo sammā dukkhakkhayagāmī”ti.
sn46.18:1.7 Aṭṭhamaṁ.