sn41.10:3.1 “Tena hi, ayyaputta, amhepi ovadāhī”ti.
BAGIAN 3
sn41.10:3.2 “Tasmā hi vo evaṁ sikkhitabbaṁ—
sn41.10:3.3 buddhe aveccappasādena samannāgatā bhavissāma:
sn41.10:3.4 ‘itipi so bhagavā arahaṁ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṁ buddho bhagavā’ti.
sn41.10:3.5 Dhamme aveccappasādena samannāgatā bhavissāma:
sn41.10:3.6 ‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṁ veditabbo viññūhī’ti.
sn41.10:3.7 Saṅghe aveccappasādena samannāgatā bhavissāma:
sn41.10:3.8 ‘suppaṭipanno bhagavato sāvakasaṅgho, ujuppaṭipanno bhagavato sāvakasaṅgho, ñāyappaṭipanno bhagavato sāvakasaṅgho, sāmīcippaṭipanno bhagavato sāvakasaṅgho, yadidaṁ cattāri purisayugāni aṭṭha purisapuggalā esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṁ puññakkhettaṁ lokassā’ti.
sn41.10:3.9 Yaṁ kho pana kiñci kule deyyadhammaṁ sabbaṁ taṁ appaṭivibhattaṁ bhavissati sīlavantehi kalyāṇadhammehīti evañhi vo sikkhitabban”ti.
sn41.10:3.10 Atha kho citto gahapati mittāmacce ñātisālohite buddhe ca dhamme ca saṅghe ca cāge ca samādapetvā kālamakāsīti.
sn41.10:3.11 Dasamaṁ.
sn41.10:3.12 Cittavaggo paṭhamo.