sn40.9:2.1 Atha kho maṁ, āvuso, bhagavā iddhiyā upasaṅkamitvā etadavoca:
BAGIAN 2
sn40.9:2.2 ‘moggallāna, moggallāna.
sn40.9:2.3 Mā, brāhmaṇa, animittaṁ cetosamādhiṁ pamādo, animitte cetosamādhismiṁ cittaṁ saṇṭhapehi, animitte cetosamādhismiṁ cittaṁ ekodiṁ karohi, animitte cetosamādhismiṁ cittaṁ samādahā’ti.
sn40.9:2.4 So khvāhaṁ, āvuso, aparena samayena sabbanimittānaṁ amanasikārā animittaṁ cetosamādhiṁ upasampajja vihāsiṁ.
sn40.9:2.5 Yañhi taṁ, āvuso, sammā vadamāno vadeyya:
sn40.9:2.6 ‘satthārānuggahito sāvako mahābhiññataṁ patto’ti, mamaṁ taṁ sammā vadamāno vadeyya:
sn40.9:2.7 ‘satthārānuggahito sāvako mahābhiññataṁ patto’”ti.
sn40.9:2.8 Navamaṁ.