sn40.8:1.1 “‘Nevasaññānāsaññāyatanaṁ, nevasaññānāsaññāyatanan’ti vuccati.
BAGIAN 1
sn40.8:1.2 Katamaṁ nu kho nevasaññānāsaññāyatananti?
sn40.8:1.3 Tassa mayhaṁ, āvuso, etadahosi:
sn40.8:1.4 ‘idha bhikkhu sabbaso ākiñcaññāyatanaṁ samatikkamma nevasaññānāsaññāyatanaṁ upasampajja viharati.
sn40.8:1.5 Idaṁ vuccati nevasaññānāsaññāyatanan’ti.
sn40.8:1.6 So khvāhaṁ, āvuso, sabbaso ākiñcaññāyatanaṁ samatikkamma nevasaññānāsaññāyatanaṁ upasampajja viharāmi.
sn40.8:1.7 Tassa mayhaṁ, āvuso, iminā vihārena viharato ākiñcaññāyatanasahagatā saññāmanasikārā samudācaranti.