Paṭhamagelaññasutta

sn36.7:4.1 Kathañca, bhikkhave, bhikkhu sampajāno hoti?

sn36.7:4.2 Idha, bhikkhave, bhikkhu abhikkante paṭikkante sampajānakārī hoti, ālokite vilokite sampajānakārī hoti, samiñjite pasārite sampajānakārī hoti, saṅghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti.

sn36.7:4.3 Evaṁ kho, bhikkhave, bhikkhu sampajānakārī hoti.

sn36.7:4.4 Sato, bhikkhave, bhikkhu sampajāno kālaṁ āgameyya.

sn36.7:4.5 Ayaṁ vo amhākaṁ anusāsanī.