sn35.98:1.1 “Saṁvarañca vo, bhikkhave, desessāmi, asaṁvarañca.
BAGIAN 1
sn35.98:1.2 Taṁ suṇātha.
sn35.98:1.3 Kathañca, bhikkhave, asaṁvaro hoti?
sn35.98:1.4 Santi, bhikkhave, cakkhuviññeyyā rūpā iṭṭhā kantā manāpā piyarūpā kāmūpasaṁhitā rajanīyā.
sn35.98:1.5 Tañce bhikkhu abhinandati abhivadati ajjhosāya tiṭṭhati, veditabbametaṁ, bhikkhave, bhikkhunā:
sn35.98:1.6 ‘parihāyāmi kusalehi dhammehi.
sn35.98:1.7 Parihānañhetaṁ vuttaṁ bhagavatā’ti …pe…
sn35.98:1.8 santi, bhikkhave, jivhāviññeyyā rasā …pe…
sn35.98:1.9 santi, bhikkhave, manoviññeyyā dhammā iṭṭhā kantā manāpā piyarūpā kāmūpasaṁhitā rajanīyā.
sn35.98:1.10 Tañce bhikkhu abhinandati abhivadati ajjhosāya tiṭṭhati, veditabbametaṁ, bhikkhave, bhikkhunā:
sn35.98:1.11 ‘parihāyāmi kusalehi dhammehi.
sn35.98:1.12 Parihānañhetaṁ vuttaṁ bhagavatā’ti.
sn35.98:1.13 Evaṁ kho, bhikkhave, asaṁvaro hoti.