sn35.95:10.1 “Ettha ca te, mālukyaputta, diṭṭhasutamutaviññātabbesu dhammesu diṭṭhe diṭṭhamattaṁ bhavissati, sute sutamattaṁ bhavissati, mute mutamattaṁ bhavissati, viññāte viññātamattaṁ bhavissati.
BAGIAN 10
sn35.95:10.2 Yato kho te, mālukyaputta, diṭṭhasutamutaviññātabbesu dhammesu diṭṭhe diṭṭhamattaṁ bhavissati, sute sutamattaṁ bhavissati, mute mutamattaṁ bhavissati, viññāte viññātamattaṁ bhavissati;
sn35.95:10.3 tato tvaṁ, mālukyaputta, na tena.
sn35.95:10.4 Yato tvaṁ, mālukyaputta, na tena;
sn35.95:10.5 tato tvaṁ, mālukyaputta, na tattha.
sn35.95:10.6 Yato tvaṁ, mālukyaputta, na tattha;
sn35.95:10.7 tato tvaṁ, mālukyaputta, nevidha, na huraṁ, na ubhayamantarena.
sn35.95:10.8 Esevanto dukkhassā”ti.