sn35.130:1.1 Ekaṁ samayaṁ āyasmā mahākaccāno avantīsu viharati kuraraghare papāte pabbate.
BAGIAN 1
sn35.130:1.2 Atha kho hāliddikāni gahapati yenāyasmā mahākaccāno tenupasaṅkami …pe… ekamantaṁ nisinno kho hāliddikāni gahapati āyasmantaṁ mahākaccānaṁ etadavoca:
sn35.130:1.3 “vuttamidaṁ, bhante, bhagavatā:
sn35.130:1.4 ‘dhātunānattaṁ paṭicca uppajjati phassanānattaṁ; phassanānattaṁ paṭicca uppajjati vedanānānattan’ti.
sn35.130:1.5 Kathaṁ nu kho, bhante, dhātunānattaṁ paṭicca uppajjati phassanānattaṁ; phassanānattaṁ paṭicca uppajjati vedanānānattan”ti?
sn35.130:1.6 “Idha, gahapati, bhikkhu cakkhunā rūpaṁ disvā ‘manāpaṁ itthetan’ti pajānāti cakkhuviññāṇaṁ sukhavedaniyañca.
sn35.130:1.7 Phassaṁ paṭicca uppajjati sukhā vedanā.
sn35.130:1.8 Cakkhunā kho paneva rūpaṁ disvā ‘amanāpaṁ itthetan’ti pajānāti cakkhuviññāṇaṁ dukkhavedaniyañca.
sn35.130:1.9 Phassaṁ paṭicca uppajjati dukkhā vedanā.
sn35.130:1.10 Cakkhunā kho paneva rūpaṁ disvā ‘upekkhāṭṭhāniyaṁ itthetan’ti pajānāti cakkhuviññāṇaṁ adukkhamasukhavedaniyañca.
sn35.130:1.11 Phassaṁ paṭicca uppajjati adukkhamasukhā vedanā.