sn35.121:1.1 Ekaṁ samayaṁ bhagavā sāvatthiyaṁ viharati jetavane anāthapiṇḍikassa ārāme.
BAGIAN 1
sn35.121:1.2 Atha kho bhagavato rahogatassa paṭisallīnassa evaṁ cetaso parivitakko udapādi:
sn35.121:1.3 “paripakkā kho rāhulassa vimuttiparipācaniyā dhammā;
sn35.121:1.4 yannūnāhaṁ rāhulaṁ uttariṁ āsavānaṁ khaye vineyyan”ti.
sn35.121:1.5 Atha kho bhagavā pubbaṇhasamayaṁ nivāsetvā pattacīvaramādāya sāvatthiyaṁ piṇḍāya caritvā
sn35.121:1.6 pacchābhattaṁ piṇḍapātapaṭikkanto āyasmantaṁ rāhulaṁ āmantesi:
sn35.121:1.7 “gaṇhāhi, rāhula, nisīdanaṁ.
sn35.121:1.8 Yena andhavanaṁ tenupasaṅkamissāma divāvihārāyā”ti.
sn35.121:1.9 “Evaṁ, bhante”ti kho āyasmā rāhulo bhagavato paṭissutvā nisīdanaṁ ādāya bhagavantaṁ piṭṭhito piṭṭhito anubandhi.