sn35.10:1.1 “Rūpā, bhikkhave, aniccā atītānāgatā;
BAGIAN 1
sn35.10:1.2 ko pana vādo paccuppannānaṁ.
sn35.10:1.3 Evaṁ passaṁ, bhikkhave, sutavā ariyasāvako atītesu rūpesu anapekkho hoti;
sn35.10:1.4 anāgate rūpe nābhinandati;
sn35.10:1.5 paccuppannānaṁ rūpānaṁ nibbidāya virāgāya nirodhāya paṭipanno hoti.
sn35.10:1.6 Saddā …
sn35.10:1.7 gandhā …
sn35.10:1.8 rasā …
sn35.10:1.9 phoṭṭhabbā …
sn35.10:1.10 dhammā aniccā atītānāgatā;
sn35.10:1.11 ko pana vādo paccuppannānaṁ.
sn35.10:1.12 Evaṁ passaṁ, bhikkhave, sutavā ariyasāvako atītesu dhammesu anapekkho hoti;
sn35.10:1.13 anāgate dhamme nābhinandati;
sn35.10:1.14 paccuppannānaṁ dhammānaṁ nibbidāya virāgāya nirodhāya paṭipanno hotī”ti.
sn35.10:1.15 Dasamaṁ.