sn35.106:2.1 Katamo ca, bhikkhave, dukkhassa atthaṅgamo?
BAGIAN 2
sn35.106:2.2 Cakkhuñca paṭicca rūpe ca uppajjati cakkhuviññāṇaṁ. Tiṇṇaṁ saṅgati phasso.
sn35.106:2.3 Phassapaccayā vedanā;
sn35.106:2.4 vedanāpaccayā taṇhā.
sn35.106:2.5 Tassāyeva taṇhāya asesavirāganirodhā upādānanirodho;
sn35.106:2.6 upādānanirodhā bhavanirodho;
sn35.106:2.7 bhavanirodhā jātinirodho;
sn35.106:2.8 jātinirodhā jarāmaraṇaṁ sokaparidevadukkhadomanassupāyāsā nirujjhanti.
sn35.106:2.9 Evametassa kevalassa dukkhakkhandhassa nirodho hoti.
sn35.106:2.10 Ayaṁ dukkhassa atthaṅgamo …pe…
sn35.106:2.11 jivhañca paṭicca rase ca uppajjati jivhāviññāṇaṁ …pe…
sn35.106:2.12 manañca paṭicca dhamme ca uppajjati manoviññāṇaṁ. Tiṇṇaṁ saṅgati phasso.
sn35.106:2.13 Phassapaccayā vedanā;
sn35.106:2.14 vedanāpaccayā taṇhā.
sn35.106:2.15 Tassāyeva taṇhāya asesavirāganirodhā upādānanirodho;
sn35.106:2.16 upādānanirodhā bhavanirodho;
sn35.106:2.17 bhavanirodhā jātinirodho;
sn35.106:2.18 jātinirodhā jarāmaraṇaṁ sokaparidevadukkhadomanassupāyāsā nirujjhanti.
sn35.106:2.19 Evametassa kevalassa dukkhakkhandhassa nirodho hoti.
sn35.106:2.20 Ayaṁ kho, bhikkhave, dukkhassa atthaṅgamo”ti.
sn35.106:2.21 Tatiyaṁ.