sn33.5:1.1 Sāvatthinidānaṁ.
BAGIAN 1
sn33.5:1.2 Ekamantaṁ nisinno kho vacchagotto paribbājako bhagavantaṁ etadavoca:
sn33.5:1.3 “ko nu kho, bho gotama, hetu, ko paccayo, yānimāni anekavihitāni diṭṭhigatāni loke uppajjanti—
sn33.5:1.4 sassato lokoti vā, asassato lokoti vā …pe…
sn33.5:1.5 neva hoti na na hoti tathāgato paraṁ maraṇāti vā”ti?
sn33.5:1.6 “Viññāṇe kho, vaccha, aññāṇā, viññāṇasamudaye aññāṇā, viññāṇanirodhe aññāṇā, viññāṇanirodhagāminiyā paṭipadāya aññāṇā;
sn33.5:1.7 evamimāni anekavihitāni diṭṭhigatāni loke uppajjanti—
sn33.5:1.8 sassato lokoti vā, asassato lokoti vā …pe…
sn33.5:1.9 neva hoti na na hoti tathāgato paraṁ maraṇāti vāti.
sn33.5:1.10 Ayaṁ kho, vaccha, hetu, ayaṁ paccayo, yānimāni anekavihitāni diṭṭhigatāni loke uppajjanti—
sn33.5:1.11 sassato lokoti vā, asassato lokoti vā …pe…
sn33.5:1.12 neva hoti na na hoti tathāgato paraṁ maraṇāti vā”ti.
sn33.5:1.13 Pañcamaṁ.