Aḍḍakaraṇasutta

sn3.7:1.1 Sāvatthinidānaṁ.

sn3.7:1.2 Ekamantaṁ nisinno kho rājā pasenadi kosalo bhagavantaṁ etadavoca:

sn3.7:1.3 “idhāhaṁ, bhante, aḍḍakaraṇe nisinno passāmi khattiyamahāsālepi brāhmaṇamahāsālepi gahapatimahāsālepi aḍḍhe mahaddhane mahābhoge pahūtajātarūparajate pahūtavittūpakaraṇe pahūtadhanadhaññe kāmahetu kāmanidānaṁ kāmādhikaraṇaṁ sampajānamusā bhāsante.

sn3.7:1.4 Tassa mayhaṁ, bhante, etadahosi:

sn3.7:1.5 ‘alaṁ dāni me aḍḍakaraṇena, bhadramukho dāni aḍḍakaraṇena paññāyissatī’”ti.