sn23.3:1.1 Sāvatthinidānaṁ.
BAGIAN 1
sn23.3:1.2 Ekamantaṁ nisinno kho āyasmā rādho bhagavantaṁ etadavoca:
sn23.3:1.3 “‘bhavanettinirodho, bhavanettinirodho’ti, bhante, vuccati.
sn23.3:1.4 Katamā nu kho, bhante, bhavanetti, katamo bhavanettinirodho”ti?
sn23.3:1.5 “Rūpe kho, rādha, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā—
sn23.3:1.6 ayaṁ vuccati bhavanetti.
sn23.3:1.7 Tesaṁ nirodho bhavanettinirodho.
sn23.3:1.8 Vedanāya …
sn23.3:1.9 saññāya …
sn23.3:1.10 saṅkhāresu …
sn23.3:1.11 viññāṇe yo chando …pe… adhiṭṭhānābhinivesānusayā—
sn23.3:1.12 ayaṁ vuccati bhavanetti.
sn23.3:1.13 Tesaṁ nirodho bhavanettinirodho”ti.
sn23.3:1.14 Tatiyaṁ.