sn22.82:10.1 “Ko nu kho, bhante, rūpassa assādo, ko ādīnavo, kiṁ nissaraṇaṁ;
BAGIAN 10
sn22.82:10.2 ko vedanāya …
sn22.82:10.3 ko saññāya …
sn22.82:10.4 ko saṅkhārānaṁ …
sn22.82:10.5 ko viññāṇassa assādo, ko ādīnavo, kiṁ nissaraṇan”ti?
sn22.82:10.6 “Yaṁ kho, bhikkhu, rūpaṁ paṭicca uppajjati sukhaṁ somanassaṁ—ayaṁ rūpassa assādo.
sn22.82:10.7 Yaṁ rūpaṁ aniccaṁ dukkhaṁ vipariṇāmadhammaṁ—ayaṁ rūpassa ādīnavo.
sn22.82:10.8 Yo rūpasmiṁ chandarāgavinayo chandarāgappahānaṁ—idaṁ rūpassa nissaraṇaṁ.
sn22.82:10.9 Yaṁ vedanaṁ paṭicca …
sn22.82:10.10 yaṁ saññaṁ paṭicca …
sn22.82:10.11 ye saṅkhāre paṭicca …
sn22.82:10.12 yaṁ viññāṇaṁ paṭicca uppajjati sukhaṁ somanassaṁ—ayaṁ viññāṇassa assādo.
sn22.82:10.13 Yaṁ viññāṇaṁ aniccaṁ dukkhaṁ vipariṇāmadhammaṁ—ayaṁ viññāṇassa ādīnavo.
sn22.82:10.14 Yo viññāṇasmiṁ chandarāgavinayo chandarāgappahānaṁ—idaṁ viññāṇassa nissaraṇan”ti.
sn22.82:10.15 “Sādhu, bhante”ti kho so bhikkhu bhagavato bhāsitaṁ abhinanditvā anumoditvā bhagavantaṁ uttariṁ pañhaṁ apucchi: