sn22.80:2.1 Atha kho bhagavato rahogatassa paṭisallīnassa evaṁ cetaso parivitakko udapādi:
BAGIAN 2
sn22.80:2.2 “mayā kho bhikkhusaṅgho pabāḷho.
sn22.80:2.3 Santettha bhikkhū navā acirapabbajitā adhunāgatā imaṁ dhammavinayaṁ.
sn22.80:2.4 Tesaṁ mamaṁ apassantānaṁ siyā aññathattaṁ siyā vipariṇāmo.
sn22.80:2.5 Seyyathāpi nāma vacchassa taruṇassa mātaraṁ apassantassa siyā aññathattaṁ siyā vipariṇāmo;
sn22.80:2.6 evameva santettha bhikkhū navā acirapabbajitā adhunāgatā imaṁ dhammavinayaṁ tesaṁ mamaṁ apassantānaṁ siyā aññathattaṁ siyā vipariṇāmo.
sn22.80:2.7 Seyyathāpi nāma bījānaṁ taruṇānaṁ udakaṁ alabhantānaṁ siyā aññathattaṁ siyā vipariṇāmo;
sn22.80:2.8 evameva santettha …pe…
sn22.80:2.9 tesaṁ mamaṁ alabhantānaṁ dassanāya siyā aññathattaṁ siyā vipariṇāmo.
sn22.80:2.10 Yannūnāhaṁ yatheva mayā pubbe bhikkhusaṅgho anuggahito, evameva etarahi anuggaṇheyyaṁ bhikkhusaṅghan”ti.