Hāliddikānisutta

sn22.3:4.1 “Rūpadhātu kho, gahapati, viññāṇassa oko.

sn22.3:4.2 Rūpadhāturāgavinibandhañca pana viññāṇaṁ ‘okasārī’ti vuccati.

sn22.3:4.3 Vedanādhātu kho, gahapati, viññāṇassa oko.

sn22.3:4.4 Vedanādhāturāgavinibandhañca pana viññāṇaṁ ‘okasārī’ti vuccati.

sn22.3:4.5 Saññādhātu kho, gahapati, viññāṇassa oko.

sn22.3:4.6 Saññādhāturāgavinibandhañca pana viññāṇaṁ ‘okasārī’ti vuccati.

sn22.3:4.7 Saṅkhāradhātu kho, gahapati, viññāṇassa oko.

sn22.3:4.8 Saṅkhāradhāturāgavinibandhañca pana viññāṇaṁ ‘okasārī’ti vuccati.

sn22.3:4.9 Evaṁ kho, gahapati, okasārī hoti.