sn22.113:1.1 Sāvatthinidānaṁ.
BAGIAN 1
sn22.113:1.2 Atha kho aññataro bhikkhu yena bhagavā tenupasaṅkami …pe…
sn22.113:1.3 ekamantaṁ nisinno kho so bhikkhu bhagavantaṁ etadavoca:
sn22.113:1.4 “‘avijjā, avijjā’ti, bhante, vuccati.
sn22.113:1.5 Katamā nu kho, bhante, avijjā;
sn22.113:1.6 kittāvatā ca avijjāgato hotī”ti?
sn22.113:1.7 “Idha, bhikkhu, assutavā puthujjano rūpaṁ nappajānāti, rūpasamudayaṁ nappajānāti, rūpanirodhaṁ nappajānāti, rūpanirodhagāminiṁ paṭipadaṁ nappajānāti;
sn22.113:1.8 vedanaṁ nappajānāti …
sn22.113:1.9 saññaṁ …
sn22.113:1.10 saṅkhāre nappajānāti …pe…
sn22.113:1.11 viññāṇanirodhagāminiṁ paṭipadaṁ nappajānāti.
sn22.113:1.12 Ayaṁ vuccati, bhikkhu, avijjā;
sn22.113:1.13 ettāvatā ca avijjāgato hotī”ti.
sn22.113:1.14 Paṭhamaṁ.