sn15.19:1.1 Sāvatthiyaṁ viharati.
BAGIAN 1
sn15.19:1.2 “Anamataggoyaṁ, bhikkhave, saṁsāro.
sn15.19:1.3 Pubbā koṭi na paññāyati avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ.
sn15.19:1.4 Na so, bhikkhave, satto sulabharūpo yo na dhītābhūtapubbo iminā dīghena addhunā.
sn15.19:1.5 Taṁ kissa hetu?
sn15.19:1.6 Anamataggoyaṁ, bhikkhave, saṁsāro.
sn15.19:1.7 Pubbā koṭi na paññāyati avijjānīvaraṇānaṁ sattānaṁ taṇhāsaṁyojanānaṁ sandhāvataṁ saṁsarataṁ.
sn15.19:1.8 Evaṁ dīgharattaṁ vo, bhikkhave, dukkhaṁ paccanubhūtaṁ tibbaṁ paccanubhūtaṁ byasanaṁ paccanubhūtaṁ, kaṭasī vaḍḍhitā.
sn15.19:1.9 Yāvañcidaṁ, bhikkhave, alameva sabbasaṅkhāresu nibbindituṁ, alaṁ virajjituṁ, alaṁ vimuccitun”ti.
sn15.19:1.10 Navamaṁ.