sn12.43:4.1 Katamo ca, bhikkhave, dukkhassa atthaṅgamo?
BAGIAN 4
sn12.43:4.2 Cakkhuñca paṭicca rūpe ca uppajjati cakkhuviññāṇaṁ. Tiṇṇaṁ saṅgati phasso.
sn12.43:4.3 Phassapaccayā vedanā;
sn12.43:4.4 vedanāpaccayā taṇhā.
sn12.43:4.5 Tassāyeva taṇhāya asesavirāganirodhā upādānanirodho;
sn12.43:4.6 upādānanirodhā bhavanirodho;
sn12.43:4.7 bhavanirodhā jātinirodho;
sn12.43:4.8 jātinirodhā jarāmaraṇaṁ sokaparidevadukkhadomanassupāyāsā nirujjhanti.
sn12.43:4.9 Evametassa kevalassa dukkhakkhandhassa nirodho hoti.
sn12.43:4.10 Ayaṁ kho, bhikkhave, dukkhassa atthaṅgamo.