sn12.17:5.1 “‘So karoti so paṭisaṁvedayatī’ti kho, kassapa, ādito sato ‘sayaṅkataṁ dukkhan’ti iti vadaṁ sassataṁ etaṁ pareti.
BAGIAN 5
sn12.17:5.2 ‘Añño karoti añño paṭisaṁvedayatī’ti kho, kassapa, vedanābhitunnassa sato ‘paraṅkataṁ dukkhan’ti iti vadaṁ ucchedaṁ etaṁ pareti.
sn12.17:5.3 Ete te, kassapa, ubho ante anupagamma majjhena tathāgato dhammaṁ deseti:
sn12.17:5.4 ‘avijjāpaccayā saṅkhārā;
sn12.17:5.5 saṅkhārapaccayā viññāṇaṁ …pe…
sn12.17:5.6 evametassa kevalassa dukkhakkhandhassa samudayo hoti.
sn12.17:5.7 Avijjāya tveva asesavirāganirodhā saṅkhāranirodho;
sn12.17:5.8 saṅkhāranirodhā viññāṇanirodho …pe…
sn12.17:5.9 evametassa kevalassa dukkhakkhandhassa nirodho hotī’”ti.