sn12.15:3.1 ‘Sabbamatthī’ti kho, kaccāna, ayameko anto.
BAGIAN 3
sn12.15:3.2 ‘Sabbaṁ natthī’ti ayaṁ dutiyo anto.
sn12.15:3.3 Ete te, kaccāna, ubho ante anupagamma majjhena tathāgato dhammaṁ deseti:
sn12.15:3.4 ‘avijjāpaccayā saṅkhārā;
sn12.15:3.5 saṅkhārapaccayā viññāṇaṁ …pe…
sn12.15:3.6 evametassa kevalassa dukkhakkhandhassa samudayo hoti.
sn12.15:3.7 Avijjāya tveva asesavirāganirodhā saṅkhāranirodho;
sn12.15:3.8 saṅkhāranirodhā viññāṇanirodho …pe…
sn12.15:3.9 evametassa kevalassa dukkhakkhandhassa nirodho hotī’”ti.
sn12.15:3.10 Pañcamaṁ.