MN 61 · Khotbah Nasihat kepada Rāhula di Ambalaṭṭhika

Sinopsis singkat

Buddha menemui putranya Rāhula di Ambalaṭṭhikā dan memulai pelajaran dengan sebuah bejana air. Sedikit air yang tersisa, air yang dibuang, bejana yang dibalik, dan bejana yang kosong dipakai untuk menunjukkan betapa kecil nilai kehidupan seorang petapa yang tidak merasa malu berkata tidak benar. Buddha kemudian memakai perumpamaan cermin: sebagaimana seseorang bercermin untuk memeriksa wajahnya, Rāhula diminta memeriksa tindakan tubuh, ucapan dan pikiran sebelum dilakukan, ketika dilakukan, dan setelah dilakukan. Bila tindakan membawa penderitaan, ia harus dihentikan atau diakui; bila tidak merugikan, ia dapat diteruskan dan dikembangkan.

BAGIAN 7

mn61:7.1 Seyyathāpi, rāhula, rañño nāgo īsādanto urūḷhavā abhijāto saṅgāmāvacaro saṅgāmagato purimehipi pādehi kammaṁ karoti, pacchimehipi pādehi kammaṁ karoti, purimenapi kāyena kammaṁ karoti, pacchimenapi kāyena kammaṁ karoti, sīsenapi kammaṁ karoti, kaṇṇehipi kammaṁ karoti, dantehipi kammaṁ karoti, naṅguṭṭhenapi kammaṁ karoti; rakkhateva soṇḍaṁ.

mn61:7.2 Tattha hatthārohassa evaṁ hoti:

mn61:7.3 ‘ayaṁ kho rañño nāgo īsādanto urūḷhavā abhijāto saṅgāmāvacaro saṅgāmagato purimehipi pādehi kammaṁ karoti, pacchimehipi pādehi kammaṁ karoti …pe… naṅguṭṭhenapi kammaṁ karoti; rakkhateva soṇḍaṁ.

mn61:7.4 Apariccattaṁ kho rañño nāgassa jīvitan’ti.

mn61:7.5 Yato kho, rāhula, rañño nāgo īsādanto urūḷhavā abhijāto saṅgāmāvacaro saṅgāmagato purimehipi pādehi kammaṁ karoti, pacchimehipi pādehi kammaṁ karoti …pe… naṅguṭṭhenapi kammaṁ karoti, soṇḍāyapi kammaṁ karoti, tattha hatthārohassa evaṁ hoti:

mn61:7.6 ‘ayaṁ kho rañño nāgo īsādanto urūḷhavā abhijāto saṅgāmāvacaro saṅgāmagato purimehipi pādehi kammaṁ karoti, pacchimehipi pādehi kammaṁ karoti, purimenapi kāyena kammaṁ karoti, pacchimenapi kāyena kammaṁ karoti, sīsenapi kammaṁ karoti, kaṇṇehipi kammaṁ karoti, dantehipi kammaṁ karoti, naṅguṭṭhenapi kammaṁ karoti, soṇḍāyapi kammaṁ karoti.

mn61:7.7 Pariccattaṁ kho rañño nāgassa jīvitaṁ.

mn61:7.8 Natthi dāni kiñci rañño nāgassa akaraṇīyan’ti.

mn61:7.9 Evameva kho, rāhula, yassa kassaci sampajānamusāvāde natthi lajjā, nāhaṁ tassa kiñci pāpaṁ akaraṇīyanti vadāmi.

mn61:7.10 Tasmātiha te, rāhula, ‘hassāpi na musā bhaṇissāmī’ti—

mn61:7.11 evañhi te, rāhula, sikkhitabbaṁ.