Nāgasutta

ud4.5:1.1 Evaṁ me sutaṁ—

ud4.5:1.2 ekaṁ samayaṁ bhagavā kosambiyaṁ viharati ghositārāme.

ud4.5:1.3 Tena kho pana samayena bhagavā ākiṇṇo viharati bhikkhūhi bhikkhunīhi upāsakehi upāsikāhi rājūhi rājamahāmattehi titthiyehi titthiyasāvakehi.

ud4.5:1.4 Ākiṇṇo dukkhaṁ na phāsu viharati.

ud4.5:1.5 Atha kho bhagavato etadahosi:

ud4.5:1.6 “ahaṁ kho etarahi ākiṇṇo viharāmi bhikkhūhi bhikkhunīhi upāsakehi upāsikāhi rājūhi rājamahāmattehi titthiyehi titthiyasāvakehi.

ud4.5:1.7 Ākiṇṇo dukkhaṁ na phāsu viharāmi.

ud4.5:1.8 Yannūnāhaṁ eko gaṇasmā vūpakaṭṭho vihareyyan”ti.