2.7. Dhammacakkakathā

ps2.7:31.1 <b>Dhammacakkan</b>ti kenaṭṭhena dhammacakkaṁ?

ps2.7:31.2 Dhammañca pavatteti cakkañcāti—dhammacakkaṁ.

ps2.7:31.3 Cakkañca pavatteti dhammañcāti—dhammacakkaṁ.

ps2.7:31.4 Dhammena pavattetīti—dhammacakkaṁ.

ps2.7:31.5 Dhammacariyāya pavattetīti—dhammacakkaṁ.

ps2.7:31.6 Dhamme ṭhito pavattetīti—dhammacakkaṁ.

ps2.7:31.7 Dhamme patiṭṭhito pavattetīti—dhammacakkaṁ …pe…

ps2.7:31.8 amatogadhaṁ nibbānaṁ pariyosānaṭṭhena dhammo.

ps2.7:31.9 Taṁ dhammaṁ pavattetīti—dhammacakkanti.

ps2.7:31.10 Dhammacakkakathā niṭṭhitā.