2.7. Dhammacakkakathā

ps2.7:14.1 <b>Dhammacakkan</b>ti kenaṭṭhena dhammacakkaṁ?

ps2.7:14.2 Dhammañca pavatteti cakkañcāti—dhammacakkaṁ.

ps2.7:14.3 Cakkañca pavatteti dhammañcāti—dhammacakkaṁ.

ps2.7:14.4 Dhammena pavattetīti—dhammacakkaṁ.

ps2.7:14.5 Dhammacariyāya pavattetīti—dhammacakkaṁ.

ps2.7:14.6 Dhamme ṭhito pavattetīti—dhammacakkaṁ.

ps2.7:14.7 Dhamme patiṭṭhito pavattetīti—dhammacakkaṁ …pe…

ps2.7:14.8 amatogadhaṁ nibbānaṁ pariyosānaṭṭhena dhammo taṁ dhammaṁ pavattetīti—dhammacakkaṁ.