Hārasampātabhūmi

pe8:94.1 Vibhattīti yassevaṁ bhāvitaṁ cittaṁ kuto taṁ dukkhamessatīti duvidho niddeso—

pe8:94.2 dukkhahetuniddeso ca paṭipakkhaniddeso ca.

pe8:94.3 Ko so dukkhahetu?

pe8:94.4 Yato dukkhaṁ āgacchati paṭipakkhe vutte sesadhammānaṁ sīlaṁ hetu ca paccayo ca, te sabbe dhammā vuttā honti.

pe8:94.5 Ekabodhipakkhiye dhamme vutte sabbe bodhagamanīyā dhammā vuttā bhavanti.