pe8:89.1 Tattha katamā desanā?
BAGIAN 89
pe8:89.2 Asmiṁ sutte cattāri ariyasaccāni desitāni.
pe8:89.3 Tattha katamo vicayo?
pe8:89.4 Sīlavato avippaṭisāro yāva vimutti imissāya pucchāya minikimatthassamīti dve padāni pucchā dve padāni visajjanāni dvīhi padehi dve abhiññaṁ dvīhi ceva padehi visajjanā kiṁ pucchati nibbādhikaṁ kāyabhūmiṁ kammassa tathā hi patiṭṭhā ca asekkhe dhamme uppādeti.
pe8:89.5 Tattha katamā yutti?
pe8:89.6 Sīlavato avippaṭisāro bhavati kiṁ nicchandassa ca virāgo atthi esā yutti.
pe8:89.7 Tattha katamaṁ padaṭṭhānaṁ?
pe8:89.8 Vīriyaṁ vīriyindriyassa padaṭṭhānaṁ.
pe8:89.9 Samādhi samādhindriyassa padaṭṭhānaṁ.
pe8:89.10 Paññā paññindriyassa padaṭṭhānaṁ.
pe8:89.11 Vīriyaṁ adosassa padaṭṭhānaṁ.
pe8:89.12 Samādhi alobhassa padaṭṭhānaṁ.
pe8:89.13 Paññā amohassa padaṭṭhānaṁ.
pe8:89.14 Vīriyindriyaṁ tiṇṇaṁ maggaṅgānaṁ padaṭṭhānaṁ, sammāvācāya sammākammantassa sammāājīvassa.
pe8:89.15 Samādhindriyaṁ tiṇṇaṁ maggaṅgānaṁ padaṭṭhānaṁ, sammāsaṅkappassa sammāvācāya sammāsamādhino.
pe8:89.16 Paññindriyaṁ dvinnaṁ maggaṅgānaṁ padaṭṭhānaṁ, sammāsatiyā sammādiṭṭhiyā ca.