pe8:88.1 Imaṁ suttaṁ nibbedhabhāgiyaṁ bujjhakāradhikaṁ bujjhitabbaṁ.
BAGIAN 88
pe8:88.2 Yehi aṅgehi samannāgataṁ taṁ bujjhissanti tassa aṅgāni bujjhissanti, tena bojjhaṅgā.
pe8:88.3 Tathā ādito yāva sīlaṁ vataṁ cetanā karaṇīyā, kissa sīlāni pāripūreti.
pe8:88.4 Anuppannassa ca akusalassa anuppādāya uppannassa ca akusalassa pahānāya anuppannassa kusalassa uppādāya uppannassa ca kusalassa bhiyyobhāvāya, idaṁ vīriyaṁ tassa tassa bujjhitassa aṅganti.
pe8:88.5 Ayaṁ vīriyasambojjhaṅgo.
pe8:88.6 Iminā vīriyena dve dhammā ādito avippaṭisāro pāmojjañca yā puna pīti avippaṭisārapaccayā pāmojjapaccayā, ayaṁ pītisambojjhaṅgo.
pe8:88.7 Yaṁ pītimanassa kāyo passambhati.
pe8:88.8 Ayaṁ passaddhisambojjhaṅgo.
pe8:88.9 Tena kāyikasukhamānitaṁ yaṁ sukhino cittaṁ samādhiyati, ayaṁ samādhisambojjhaṅgo.
pe8:88.10 Yaṁ samāhito yathābhūtaṁ pajānāti, ayaṁ dhammavicayasambojjhaṅgo.
pe8:88.11 Yā sīlamupādāya pañcannaṁ bojjhaṅgānaṁ upādāyānulomatā nimittāyanā pītibhāgiyānañca visesabhāgiyānañca apilāpanatā sahagatā hoti anavamaggo, ayaṁ satisambojjhaṅgo.
pe8:88.12 Yaṁ yathābhūtaṁ pajānāti, accāraddhavīriyaṁ karoti.
pe8:88.13 Uddhaccabhūmīti katā abhipatthitaṁ peseti.
pe8:88.14 Kosajjabhūmīti garahito rahitehi aṅgehi bujjhati yaṁ cakkhusamathapathaṁ, sā upekkhāti.
pe8:88.15 Tena sā upekkhā tassa bojjhaṅgassa aṅganti karitvā upekkhāsambojjhaṅgoti vuccate.
pe8:88.16 Eso suttaniddeso.