pe8:39.1 Tattha katamo desanā hāro?
BAGIAN 39
pe8:39.2 Imamhi sutte ko attho khandhavavatthānena viññāṇakkhandhaṁ deseti, dhātuvavatthānena manoviññāṇadhātuṁ, āyatanavavatthānena manāyatanaṁ, indriyavavatthānena manindriyaṁ.
pe8:39.3 Tassa kiṁ pubbaṅgamā dhammā?
pe8:39.4 Saṅkhittena cha dhammā pubbaṅgamā dhammā kusalamūlāni ca akusalamūlāni ca animittaṁ imamhi sutte kusalamūlaṁ desitaṁ.
pe8:39.5 Tattha katamā manopubbaṅgamā dhammā?
pe8:39.6 Mano tesaṁ pubbaṅgamaṁ, yathāpi balassa rājā pubbaṅgamo, evameva dhammānaṁ manopubbaṅgamā.
pe8:39.7 Tattha tividhānaṁ pubbaṅgamānaṁ nekkhammacchandena abyāpādacchandena avihiṁsāchandena.
pe8:39.8 Alobhassa nekkhammacchandena pubbaṅgamā.
pe8:39.9 Adosassa abyāpādacchandena pubbaṅgamā.
pe8:39.10 Amohassa avihiṁsāchandena pubbaṅgamā.
pe8:39.11 Tattha <b>manoseṭṭhā</b>ti manasā ime dhammā ussaṭā manena vā nimmitā.
pe8:39.12 Manova imesaṁ dhammānaṁ seṭṭhoti manova imesaṁ dhammānaṁ seṭṭhajeṭṭhoti manova imesaṁ dhammānaṁ ādhipaccaṁ karotīti manoseṭṭhā.
pe8:39.13 <b>Manojavā</b>ti yattha mano gacchati.
pe8:39.14 Tattha ime dhammā gacchantīti manojavā.
pe8:39.15 Yathā vāto sīghaṁ gacchati añño vā koci sīghaṁ gāmako vuccate vātajavoti pakkhigāmikoti, evameva ime dhammā manena sampajāyamānā gacchanti, tattha ime dhammā gacchantīti manojavāti.
pe8:39.16 Te tividhā chandasamudānitā anāvilatā ca saṅkappo.
pe8:39.17 Sattavidhā ca kāyikaṁ sucaritaṁ vācasikaṁ sucaritaṁ, te dasa kusalakammapathā.
pe8:39.18 Tattha <b>manasā ce pasannenā</b>ti manokammaṁ.
pe8:39.19 <b>Bhāsati vā</b>ti vacīkammaṁ.
pe8:39.20 <b>Karoti vā</b>ti kāyakammaṁ.
pe8:39.21 Imehi imasmiṁ sutte dasa kusalakammapathā paramāpi santā sīlavatā paramā.
pe8:39.22 So bhavati vivattiyaṁ na lokaniyyānāya vāsanābhāgiyaṁ suttaṁ bhavati.
pe8:39.23 Ayaṁ desanā.