pe8:268.1 Pañcānisaṁsā sotānugatānaṁ dhammānaṁ yāva diṭṭhiyā suppaṭividdhānaṁ suttaṁ vitthārena kātabbaṁ.
BAGIAN 268
pe8:268.2 Yuñjato ghaṭentassa vāyamato gilāno maraṇakāle devabhūto paccekabodhiṁ pāpuṇāti.
pe8:268.3 Sotānugatāti saddhammassavanena kataṁ hoti.
pe8:268.4 Na ca adhipaññādhammavipassanāya tassa cittaṁ tasitaṁ hoti, na ca anibbiddhattaṁ, idaṁ ca suttaṁ pañcannaṁ puggalānaṁ desitaṁ, saddhānusārino mudindriyassa tikkhindriyassa ca dhammānusārino tikkhindriyassa mudindriyassa ca.
pe8:268.5 Yo pana mohacarito puggalo na sakkoti yuñjituṁ ghaṭituṁ vāyamituṁ yathābhūtaṁ yathāsamādhikā vimutti taṁ khaṇaṁ taṁ layaṁ taṁ muhuttaṁ phalaṁ dasseti.
pe8:268.6 Sādhu parihāyati paro taṁ duyhati, no tu sukhaavipākinī bhavati.
pe8:268.7 Tassa diṭṭheyeva ca dhamme upapajjaaparāpariyavedanīyaṁ.
pe8:268.8 Tattha yo puggalo dhammānusārī tassa yadi sotānugatā dhammā honti so yuñjanto pāpuṇāti.
pe8:268.9 Yo dhammānusārī mudindriyo, so gilāno pāpuṇāti.
pe8:268.10 Yo saddhānusārī tikkhindriyo, so maraṇakālasamaye pāpuṇāti.
pe8:268.11 Yo mudindriyo, so devabhūto pāpuṇāti.
pe8:268.12 Yadā devabhūto na pāpuṇāti, na so teneva dhammarāgena tāya dhammanandiyā paccekabodhiṁ pāpuṇāti.
pe8:268.13 Yo sotānugatesu yuñjati ghaṭeti vāyamati, so pubbāpannena visesaṁ sañjānāti, sañjānanto pāpuṇāti.
pe8:268.14 Sace pana gilānassa manasikāro hoti, tattha yuñjanto pāpuṇāti.
pe8:268.15 Sace panassa maraṇakāle saṁviggo hoti, tattha yuñjanto pāpuṇāti.
pe8:268.16 Sace pana na katthaci saṁvego hoti, tassa devabhūtassa sukhino dhammabhūtā pādā evaṁ avilapati.
pe8:268.17 So evaṁ jānāti “ayaṁ so dhammavinayo yattha mayaṁ pubbe manussabhūtā brahmacariyaṁ carimhā”ti.
pe8:268.18 Atha devabhūto pāpuṇāti.
pe8:268.19 Dibbesu vā pañcasu kāmaguṇesu ajjhosito hoti pamādavihārī, so tena kusalamūlena paccekabodhiṁ pāpuṇāti.