pe8:232.1 Yathā cittassa vipallāso saññādiṭṭhite tividhā vitakkā—
BAGIAN 232
pe8:232.2 cittavitakko vipallāso saññāvitakko vipallāso diṭṭhivitakko vipallāsopi.
pe8:232.3 Tattha avijjā vipallāso gocarā gatipateyyabhūmi, yathā hi taṁ sañjānāti yathā vijānāti yathā sañjānāti ca vijānāti ca.
pe8:232.4 Yathā khanti ceteti ime cattāro vipallāsā sattā yehi catubbidhaṁ attabhāvavatthuṁ rogabhūtaṁ gaṇḍabhūtaṁ “attā”ti vadanti.
pe8:232.5 Rogaṁ vadati attatoti ayaṁ āvaṭṭo.
pe8:232.6 Yena yena hi maññati tato taṁ hoti aññathāti subhanti maññati na tathā hoti.
pe8:232.7 Evaṁ sukhanti niccaṁ attāti so aññathā bhavameva santaṁ anāgataṁ bhavaṁ patthayati, tena vuccati “bhavarāgo”ti.
pe8:232.8 Bhavamevābhinandati, yaṁ abhinandati, taṁ dukkhanti pañcakkhandhe niddisiyati.
pe8:232.9 Yañca tappaccayā sokaparidevadukkhaṁ tassa hi bhāvessati.
pe8:232.10 Ettāvatā saṅkileso hoti.
pe8:232.11 Pahānatthaṁ kho pana brahmacariyaṁ vussati.
pe8:232.12 Tiṇṇaṁ santāpānaṁ chandarāgavinayo hoti.