pe8:208.1 Atha vā tassa anusayā āvibhavanti tappaccayā tassa punabbhavo nibbattati.
BAGIAN 208
pe8:208.2 Atha vā naṁ saṅkiyate appetu āgāre vā, sukhumā vā santi vā na saṅkiyate kāme taṁ evaṁ niccesupi āgāresu jāto hoti.
pe8:208.3 Taṁ nayati yaṁ no kappetuṁ evaṁ saṅkhārā cetitā pakappitā ca ārammaṇabhūtā honti, yā ca cetanā yā ca pakappanā yañca vatthu nibbattaṁ, ubhopi ete ārammaṇaṁ viññāṇassa tathā cetanāya ca saṅkappanāya ca patthanāya ca bhūtā sattā ceteti ca saṅkappeti ca.
pe8:208.4 Yaṁ gavesanā na ca ceteti na ca saṅkappeti.
pe8:208.5 Katame ca sattā bhūtā?
pe8:208.6 Ye ca tanujātaaṇḍajāpi aṇḍakā anubhinnā saṁsedajā na ca sambhinnā ime bhūtā.
pe8:208.7 Katame sambhavesino gabbhagatā aṇḍagatā saṁsaranto ime na ceteti na pattheti na ca saṅkappeti.
pe8:208.8 Anusaye na ca punabbhavo nibbattīti?
pe8:208.9 Ye bhūtā sattā ye sambhavesino, te thāvarā.
pe8:208.10 Ye vā sato cetenti patthenti ca ye thāvarā.
pe8:208.11 Te na ca cetenti, na ca patthenti, na ca saṅkappenti, anusayena ca saṁsaranti.