pe8:167.1 Tattha katamo puggalo joti jotiparāyano?
BAGIAN 167
pe8:167.2 Tattha vuccate soyaṁ puggalo kalyāṇamittassa sannissito bhavati sakkā saṁyogī kusalaṁ gavesī, so kalyāṇamitte upasaṅkamitvā paripucchati, paripañhayati—
pe8:167.3 kiṁ kusalaṁ, kiṁ akusalaṁ?
pe8:167.4 Kiṁ sāvajjaṁ, kiṁ anavajjaṁ?
pe8:167.5 Kiṁ sevitabbaṁ, kiṁ na sevitabbaṁ?
pe8:167.6 Kiṁ bhāvitabbaṁ, kiṁ na bhāvitabbaṁ?
pe8:167.7 Kiṁ upasampajja vihātabbaṁ, kiṁ na upasampajja vihātabbaṁ?
pe8:167.8 Kiṁ manasikātabbaṁ, kiṁ na manasikātabbaṁ?
pe8:167.9 Kathaṁ saṅkileso hoti, kathaṁ vodānaṁ hoti?
pe8:167.10 Kathaṁ pavatti hoti, kathaṁ nivatti hoti?
pe8:167.11 Kathaṁ bandho hoti, kathaṁ mokkho hoti?
pe8:167.12 Kathaṁ sakkāyasamudayo hoti, kathaṁ sakkāyanirodho hoti?
pe8:167.13 So ettha desitaṁ yathā upaṭṭhitaṁ tathā sampaṭipajjanto so evaṁ pajānāti.
pe8:167.14 Ime dhammā kusalā, ime dhammā akusalā.
pe8:167.15 Evaṁ …pe…
pe8:167.16 yāva kathaṁ sakkāyasamudayo hoti, kathaṁ sakkāyanirodho hotīti vitthārena kātabbaṁ.
pe8:167.17 So te dhamme adhipāṭikaṅkhāti evaṁ lakkhaṇaṁ ñāṇaṁ vijjā ālokaṁ vaḍḍheti.
pe8:167.18 So puggalo tapparamo bhavati tapparāyano, ayaṁ vuccate puggalo joti jotiparāyano.