pe8:165.1 Tattha katamo puggalo joti jotiparāyano?
BAGIAN 165
pe8:165.2 Tattha vuccati joti nāma yaṁ tassa ce tamassa paṭipakkhena ye ca dhamme antamaso ñāṇāloko, so suṇadhammo puggalo tamo jotiparāyano, tattha vuccate, yoyaṁ puggalo tamo jotiparāyano, so yadi tathārūpaṁ kalyāṇamittaṁ paṭilabhati, yo naṁ akusalato ca nivāreti bhāvitakusalatāva bhāvī niyojetīti.
pe8:165.3 Evañca saddhammaṁ deseti.
pe8:165.4 Ime dhammā kusalā, ime dhammā akusalā.
pe8:165.5 Ime dhammā sāvajjā, ime dhammā anavajjā.
pe8:165.6 Ime dhammā sevitabbā, ime dhammā na sevitabbā.
pe8:165.7 Ime dhammā bhajitabbā, ime dhammā na bhajitabbā.
pe8:165.8 Ime dhammā upasampajja vihātabbā, ime dhammā na upasampajja vihātabbā.
pe8:165.9 Ime dhammā manasikātabbā, ime dhammā na manasikātabbāti.
pe8:165.10 Paccate saññāya yathā saññāyati satindriyāni, so evaṁ pajānāti.
pe8:165.11 Ime dhammā kusalā, ime dhammā akusalā.
pe8:165.12 Ime dhammā sāvajjā, ime dhammā anavajjā.
pe8:165.13 Ime dhammā sevitabbā, ime dhammā na sevitabbā.
pe8:165.14 Ime dhammā bhāvetabbā, ime dhammā na bhāvetabbā.
pe8:165.15 Ime dhammā upasampajja vihātabbā, ime dhammā na upasampajja vihātabbā.
pe8:165.16 Ime dhammā manasikātabbā, ime dhammā na manasikātabbāti.
pe8:165.17 So te dhamme susuyyati, sotaṁ odahati, aññaṁ cittaṁ upaṭṭhapeti, te cassa dhammā nijjhānakkhamanti, so sutamayāya paññāya samannāgato so tena paccayavasena iriyati evaṁ tasseva iriyanti tapparamo bhavati tapparāyano.
pe8:165.18 Ayaṁ vuccate puggalo tamo tamaparāyano.