pe8:163.1 Cattāro puggalā tamo tamaparāyanoti …pe…
BAGIAN 163
pe8:163.2 tattha katamo vuccate tamo nāma?
pe8:163.3 Yo tamo andhakāro, yathā vuttaṁ bhagavatā “yathā andhakāre tasmiṁ bhayānake sakampidhātupuriso na passati, evameva aññāṇato tamopanandhakāro pāpakasakammasavipākaṁ na saddho hoti”.
pe8:163.4 Iti evaṁ lakkhaṇatā aññāṇaṁ tamo avijjā moho, yena sattā yathābhūtaṁ nappajānanti, iti vuccati tamoti.
pe8:163.5 So tiṇṇaṁ cakkhūnaṁ tamo maṁsacakkhuno dibbacakkhuno paññācakkhuno, imesaṁ cakkhūnaṁ idha tamo niddisiyati aññāṇanti.
pe8:163.6 Tattha katamaṁ aññāṇaṁ adassanaṁ?
pe8:163.7 Atha nissaye yaṁ pubbante aññāṇaṁ aparante aññāṇaṁ pubbantāparante aññāṇaṁ hetumhi aññāṇaṁ paccayamhi aññāṇaṁ tassa aññāṇino samādhibhūtassa eso nissando.
pe8:163.8 Yaṁ na jānāti idaṁ sevitabbaṁ idaṁ na manasikātabbanti.
pe8:163.9 So tena tamena niddisiyati tamopi yathā vuccati.
pe8:163.10 Mūḷhoti evaṁ cetanā.
pe8:163.11 Tena tamena so puggalo vuccati.
pe8:163.12 Tamoti so tena tamena asamūhatena asamucchinnena tapparamo bhavati tapparāyano, ayaṁ vuccati puggalo tamo tamaparāyanoti.
pe8:163.13 Parāyanoyeva dhammo manasikātabbo so tamo dahati aññacittaṁ upaṭṭhapeti.
pe8:163.14 Te cassa dhammā nijjhānakkhamanti.
pe8:163.15 So sutamayāya paññāya samanupassati.